| Perfil de FadyA R C H I EFotosBlogListas |  Herramientas  Ayuda |
|
|
10 junio كلب الست...الفاجومىكلب الست ف الزمالك من سنين و ف حمى النيل القديم قصر من عصر اليمن ملك واحدة من الحريم
صيتها أكتر م الأدان يسمعوه المسلمين و التتر و التركمان و الهنود و المنبوذين
ست فاقت ع الرجال ف المقام و الاحترام صيت و شهرة و تل مال يعني في غاية التمام
قصره يعني هي كلمة ليها كلمة ف الحكومة بس ربك لجل حكمة قام حرمها م الأمومة و الأمومة طبع ثابت جوه حوا من زمان تعمل ايه الست جابت فوكس رومي و له ودان
فوكس دا عقبال أملتك عنده دستة خدامين يعني مش موجود ف عيلتك شخص زيه يا اسماعين
و اسماعين دا يبقى واحد م الجماعة الغلبانين اللي داخو ف المعاهد و المدارس من سنين
حب يعمل واد فكاكه و يمشي حبه ف الزمالك و القيامة و الفتاكة يرموا طبعا ع المهالك غم سمعه من قيامته حب يعمل فيها فله بعد ما تمِّن بيجامته اشترى حتة مجله
قول مشى بيقرا فحكاية من حكايات الغرام و اندماجه ف القرايه خلا مشيه مش تمام
ع اليمين يحدف بعيد خطوتين و تروح شمال لمحه فوكس من الحديد قال دا صيد سهل و حلال
هب نط ف كرشه دوغري جاب بيجامته لحد ديلها اسماعين بدال ما يجري قال يا رجلي رجلي مالها
بص شاف الدم سايح من عاليها و من واطيها و ياللي جاي و ياللي رايح المجلة مش لاقيها
حبه و اتلمو الظنايا اللي هما البوابين و الهكايه و الروايه قال لهم دا كلب مين ؟ كلب مين ما كلب مينشي سمعه لبخ حبتين قال له واحد فيهم امشي اللي جابك انت مين
قال دا شارع يا مواشي للجميع راكب و ماشي
كلمة من دا و كلمة من دا ظاطو و انقلبت فضيحة قول نهايته و القصد من دا اسماعين شرب الطريحة
راحو اسم الشرطة جمعا و النيابة كفيلة بيهم و اترموا ف الحجز طبعا لما ييجي الدور عليهم شاف بلاوي ما تتحكيش م الهفايا المحبوسين قال يا عالم يا شاويش يا نيابة .. يا مسؤلين
خلصوه بعد المناهدة جثه من جحر الديابه هي يمكن ساعة واحدة كان ف مكتب النيابة
قال له ـ مالك يا اسماعين قال له ـ زي البمب مالي قال له ـ عضك فوكس فين قال له ـ سيبني أروح لحالي انت شوف سي فوكس يمكن خد تسمم غصب عني الوكيل قال برضه ممكن و الشاويش قعد يغني هييص يا كلب الست هيص لك مجامك ف البوليس بكرة تتولف وزارة للكلاب ياخدوك رئيس
انت توى ف النيابة تسعمية من الغلابة طب يا ريت يا فوكس كنا و لا تربطنا الجرابة
انت فين و الكلب فين انت كده يا اسماعين طب دا كلب الست يا ابني و انت تطلع ابن مين
بُشرى لصاحب الديول ولــللي له أربع رجول بُشرى لسيادنا البهايم من جمايس أوعجول اللي صاحبه يا جماعة له أغاني ف الاذاعة راح يدوس فوق الغلابة و النيابة بالتباعة هيص يا كلب الست هيص هيص يا كلب الست هيص
أحمد فؤاد نجم 16 febrero Sala7 Jaheen 4أنا مش تبع مخلوق يا سيدنا البيه
أنا حُر في إللي يقول ضميري عليه
وإن كنت تُحكم جوا ملكوتك
الشارع الواسع فاتح لي إيديه 13 febrero Ahmed fou2ad negmفيه شاعر عظيم اسمه "أحمد فؤاد نجم" ...الراجل ده رائع بس عنده عيب صغير كده......قليل الأدب
 . من فترة وصلتنى قصيدة بتاعته و الحمد لله مافيهاش شتايم. نشكر أنسى و ننشر القصيدة . أنا طبعاً فى ريعان شبابى و قدامى مستقبل مشرق و ماليش فى السياسة ، بس دى ماتتفوتش....ربنا يستردا شعب فقرى
أحمد فؤاد نجم 23 enero Sala7 Jaheen 3غسل المسيح قدمك يا حافي القـدم طوبي لمن كانوا عشانك خــــــــدم صنعت لك نعليك أنا يا أخــــــــــــي مستني إيه .. ما تقوم تدوس العدم 20 enero Short Story...wonderfulllllll
18 enero sala7 jaheen 2أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي !! 30 diciembre Sala7 Jaheenساعات اقوم الصبح قلبى حزين اطل بره الباب ياخدنى الحنين اللى اشتريته انباع واللى لقيته ضاع واللى قابلته راح وساب الانين وارجع و اقول لسه الطيور بتئن والنحلايات بتطن والطفل ضحكه يرن مع ان مش كل البشر فرحانين حبيبى سكر مر طعم الهوى فرق ما بينا البين معدناش سوا حرام عليك يا عذاب نبقى كده اغراب ده البعد والله جرح من غير دوا ادى اللى كان وادى القدر و ادى المصير نودع الماضى بحلمه الكبير نودع الافراح نودع الاشباح راح اللى راح معدش فاضل كتير ايه العمل الوقت ده يا صديق غير اننا عند افتراق الطريق نبص قدامنا على شمس احلامنا نلقاها بتشق السحاب الغميق وارجع واقول لسه الطيور بتئن والنحلايات بتطن والطفل ضحكه يرن مع ان مش كل البشر فرحانين |
||||||||||
|
|
