| Fady's profileA R C H I EPhotosBlogLists |  Tools  Help |
|
April 19 Mamnoo3...negmآخر ما توصلت إليه من قصائد أحمد فؤاد نجم... و دى بمناسبة واحد اسمه عبد المنعم محمود دخلوا عليه بيتهم من غير إحم ولا دستور ، قبضوا عليه أمن الدولة ، و أبوه مات من غير ما يشوف ابنه حر ...و المشكلة إيه؟؟ إن عبد المنعم إخوان و كمان بيستعبط و عامل بلوج بيكتب فيها بشوية صراحة..آآه يا بلد
ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك تزيد الممنوعات
وكل يوم باحبك
أكتر من اللى فات
حبيبتي يا سفينه متشوقه وسجينه
مخبر فى كل عقده
عسكر فى كل مينا
يمنعني لو أغيرعليكي
أو أطيرإليكي
واستجير بحضنك
أو أنام فى حجرك الوسيع
وقلبك ألربيع أعود
كما الرضيع بحرقه الفطام
حبيبتي يا مدينه متزوقه
وحزينه فى كل حاره
حسره وف كل قصر زينه
ممنوع من إني أصبح بعشقك ..
أو أبات ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك أكتر من اللى فات
أحمد فؤاد نجم |
|
|
